10 лет

Телефоны по вопросам приема документов и конкурса: 8 (7172) 76 90 92; 76 90 44; 76 91 04; 24 93 96.

egov new

«Халықаралық бағдарламалар орталығы» АҚ

  • ins

Последние новости

«Халықаралық бағдарламалар орталығы» АҚ өкілдері  Испанияға жұмыс сапарымен барды

Испания рабочий визит

2018 жылдың 8-11 сәуір күндері ҚР Білім және ғылым министрлігінің «Халықаралық бағдарламалар орталығы» АҚ (әрі қарай - Орталық) Президенті Жанболат Мелдешов бастаған делегация Испанияның үздік университеттерімен екіжақты ынтымақтастық орнату мақсатында Мадрид, Кадис және Валенсия қалаларына жұмыс сапарымен барды.

Тұтастай алғанда 12 кездесу ұйымдастырылды. Испания тарапынан Испания Корольдігі Білім министрлігінің білім беруді интернационалдандыру бойынша испан кеңсесі мен 17 Испанияның үздік мемлекеттік және жеке университеттерінің өкілдері қатысты.

Келіссөздер барысында испан білім беру жүйесі, студенттік мобильділік, қос дипломды алу бағдарламалары және Қазақстандағы испан университеттерінің өкілдіктерінің ашылуы туралы пікір алмастырылды.

Мадридте өткен кездесу барысында Білім беруді интернационалдандыру бойынша испан кеңсесімен өзара ынтымақтастық туралы меморандумға қол қойылды және жоғарыда аталған университеттердің өкілдері Орталықпен өзара ынтымақтастық туралы меморандумға қол қоюға дайын екендігін білдірді.

Кездесу қорытындысы бойынша, Қазақстан азаматтары үшін CEU San Pablo университеті 2 грант (100%) және Кадис университеті 10 грант (100%) ұсынды және кездесудің барлық қатысушылары Қазақстанның төрт қаласында жоспарланған жыл сайынғы халықаралық білім жәрмеңкесіне «International Education Fair» қатысуға ынтасын білдірді.

 

«Халықаралық бағдарламалар орталығы» АҚ өкілдері Испанияға жұмыс сапарымен барды

19.04.2018

2018 жылдың 8-11 сәуір күндері ҚР Білім және ғылым министрлігінің «Халықаралық бағдарламалар орталығы» АҚ...

«Халықаралық бағдарламалар орталығы» АҚ өкілдері  Италияға жұмыс сапарымен барды

Италия рабочий визит

2018 жылдың 11-14 сәуір күндері ҚР Білім және ғылым министрлігінің «Халықаралық бағдарламалар орталығы» АҚ Президенті Жанболат Мелдешов бастаған делегация Италияның үздік университеттерімен екіжақты ынтымақтастық орнату мақсатында, Рим, Флоренция және Пиза қалаларына жұмыс сапарымен барды.

Сапар барысында Италиядағы ең көне және беделді жоғарғы оқу орындар қатарындағы Римдік Сапиенца (Sapienza University of Rome) және Тор Вергата (University of Rome - Tor Vergata) университеттерінің басшылығы қазақстандық делегацияны қабылдап, италияндық білім беру жүйесі, студенттік мобильділік және қос диплом алу бағдарламалары бойынша қарым-қатынас жасау мүмкіндіктері талқыланды. Сондай-ақ, тараптар аталған университеттердің Қазақстанда шетелдік кампустарын ашу мүмкіндіктерін сөз етті. 

Сонымен қатар, қазақстандық делегация Флоренция (University of Florence) және Пиза университеттерінің (University of Pisa) басшылығымен кездесуінде қазақстандық азаматтарға қол жетімді білім алу, озық оқыту әдістерін дамыту және жоғарғы оқу орындары арасындағы профессорлық-оқытушылар құрамымен тәжірибе алмасу бойынша алдағы келісімдердің жобалары туралы келіссөздер жүргізді.

Кездесулердің қорытындысы бойынша, тараптар ынтымақтастық туралы меморандумға қол қоюға және 2018 жылы Қазақстанның төрт қаласында жоспарланған жыл сайын өтетін «International Education Fair» халықаралық білім беру көрмесіне қатысуға ниет білдірді.

 

«Халықаралық бағдарламалар орталығы» АҚ өкілдері Италияға жұмыс сапарымен барды

19.04.2018

2018 жылдың 11-14 сәуір күндері ҚР Білім және ғылым министрлігінің «Халықаралық бағдарламалар орталығы» АҚ...

Қазақстан Республикасының Қытай Халық Республикасымен білім саласындағы серіктестік сұрақтары талқыланды

Встреча Китай

 

2018 жылдың 12 сәуірінде , «Халықаралық бағдарламалар орталығы» АҚ басшылығы Шанхай компанияларының өкілдерімен кездесті: Уильям Чжа, Мырза Тұран Кайсер, Джастин Джиа, Жайна Зауатбек, Ернұр Жұмағали.

 

Кездесу барысында Қазақстан Республикасының Қытай Халық Республикасымен білім саласындағы серіктестік сұрақтары талқыланды.

 

Қазақстан Республикасының Қытай Халық Республикасымен білім саласындағы серіктестік сұрақтары талқыланды

13.04.2018

  2018 жылдың 12 сәуірінде , «Халықаралық бағдарламалар орталығы» АҚ басшылығы Шанхай компанияларының өкілдерімен кездесті:...

Malaysia University of Science and Technology оқу гранттары

Banner

Malaysia University of Science and Technology

Малайзия ғылым және технологиялар университеті (Malaysia University of Science and Technology) – жаратылыстану, инжиниринг және бизнес саласындағы барлық бағдарламаларында білім беретін Малайзияның жетекші университеті болып табылады. 2000 жылы Массачусетс технологиялық институтының (MIT) қолдауымен құрылды. Сондықтан барлық университеттік бағдарламалар, болашақ кәсіпорындар мен жұмыс орындарының қажеттіліктерін есепке ала отырып, MIT университетінің оқыту стиліне ұқсастырылып жасалды. Бүгінгі таңда көптеген түлектер әлемнің жетекші корпорацияларында жұмыс істейді: Таяу Шығыстан Қытайға, Сингапурдан Австралияға дейін.

Магистратурада оқығысы келетін үміткерлер үшін университет - 5 орын ұсынады.

Үміткерлерге қойылатын талаптар:

1. Бакалавр дипломының CGPA 2.5 (егер 4 баллдық бағалау жүйесі болса) немесе CGPA 3.2 (егер 5 баллдық бағалау жүйесі болса) және одан жоғары;

2. Егер CGPA 2.5-тен (егер 4 баллдық бағалау жүйесі болса) немесе CGPA 3.2-ден (егер 5 баллдық бағалау жүйесі болса) төмен болса, тиісті салада 5 жылдан кем емес жұмыс тәжірибесін талап етіледі;

3. IELTS 6.0 немесе TOEFL 550 және одан жоғары;

 

Мамандықтар тізімі:

  • Master of Business Administration;
  • Master of Science in Construction Engineering and Management;
  • Master of Science in Energy and Environment;
  • Master of Science in Information Technology;
  • Master of Science in Systems Engineering and Management;
  • Master of Science in Transportation and Logistic.

Құжаттарды тапсыру мерзімі: 2018 жылдың 23 сәуіріне дейін

Өтініш берушілер келесі құжаттарды «Халықаралық бағдарламалар орталығына» АҚ-ға тапсырулары керек:

1. Паспорттың түпнұсқасы мен бірінші бетінің көшірмесі;

2. Орта мектепті бітіргені туралы куәліктің түпнұсқасы мен көшірмесі;

3. Бакалавр дипломы мен транскрипциясының түпнұсқасы және ағылшын тіліне аударылып нотариалды куәландырылған көшірмесі;

4. IELTS немесе TOEFL тілін білу туралы сертификат;

5. Толтырылған сауалнама (фотосуретпен бірге);

6. Еңбек кітапшасының түпнұсқасы және ағылшын тіліне аударылып нотариалды куәландырылған көшірмесі(талап етілетін деңгейден төмен деңгейлі үміткерлер үшін);

7. Сертификаттар, мадақтама қағазы (егер болса).

 

Түпнұсқалық құжаттар салыстырудан кейін қайтарылады.

 

Грант тек оқу шығындарын қамтиды.

 

Құжаттар тезтікпеге тігіледі. Тезтікпе мұқабасында аты-жөні, мекенжайы, байланыс телефоны, электронды мекенжайы, ЖОО атауы мен мамандық көрсетілу қажет. Құжаттар толық болған жағдайда ғана келесі мекенжай бойынша қабылданады: Астана қ., Сол жағалау, Мәңгілік Ел д-лы, 8, «Алтын Орда» бизнес орталығы, 5-қабат, 507-кабинет.

Сұрақтарыңыз туындаған жағдайда, мына байланыс нөмірлер арқылы хабарласуыңызға болады:

+7 (7172) 24-93-96, 76-90-92, 76-91-04, 76-90-44

 

Малайзияда тұру

1 АҚШ доллары – 3.91 Малайзиялық Рингит (RM)

Малайзияда тұрудың құны туралы жалпы ақпарат (студенттердің тұруы, тамақтануы, визасы және т.б.)

Студенттерге арналған жатақханада тұру, коммуналдық қызметтер есепке алынбағанда RM 400, тамақтану RM 7 тұрады. Визаға өтінім беру 750 АҚШ доллары, депозит - 360 АҚШ доллары(Университетке төленеді), тіркеу алымы - 200 АҚШ доллары.

Тұрмыстық шығындар

 

Құны (RM)

Депозит (бір реттік, қайтарылатын)

1600 – 2400

Ай сайынғы ақы

800 – 1200

Интернет

200

Су және электр энергиясы

180-300(пайдалануға байланысты)

Тамақтану

6-25

Жолға кететін шығын

Әуежайдан жатақханаға дейін – 70

Қала бойынша - 30

 

Malaysia University of Science and Technology оқу гранттары

13.04.2018

Malaysia University of Science and Technology Малайзия ғылым және технологиялар университеті (Malaysia University of Science...

Қазақстандық азаматтар үшін Тәжікстан Республикасы 50 грант бөлді

tadzhikistan

Қазақстан Республикасы Білім және ғылым министрлігі 2000 жылғы 13 маусымдағы Қазақстан Республикасының Үкіметі мен Тәжікстан Республикасының Үкіметі арасындағы білім беру саласындағы ынтымақтастық туралы келісім шеңберінде Тәжікстан Республикасының жоғары оқу орындарында бакалавриат (40 орын) және магистратура (10 орын) бағдарламалары бойынша оқуға конкурс жариялайды.

Келісімге сәйкес:

  • тегін оқу;
  • жоғары оқу орнының жатақханасы;
  • шәкіртақы (шамамен 4000 теңге) көзделген.

Құжаттарды қабылдаудың соңғы мерзімі 2018 жылғы 20 мамыр.

Үміткерлерді іріктеудің негізгі өлшемшарттары:

  • білім туралы құжаттың орташа балы

Шетелге, оның ішінде академиялық оралымдылық шеңберінде оқытуға жіберу қағидаларыбойынша аттестаттың орташа балы 5,0-ден 4,5-ке; бакалавр дипломы 4.0-ден 3.0 GPA балына сәйкес келуі керек.

Тәжікстан Республикасының жоғары оқу орындарында оқуға үміткерлер келесі құжаттарды ұсынуға тиіс:

  1. шетелде оқу үшін негіздеме-өтініш (еркін нысанда);
  2. шетелге оқуға шығатын Қазақстан Республикасы азаматының қосымшаға сәйкес нысанда толтырылған сауалнамасы;
  3. жеке куәліктің және/немесе ұлттық төлқұжаттың көшірмесі (сәйкестендіру үшін түпнұсқалар ұсынылмаған жағдайда нотариалды куәландырылған);
  4. білім туралы мемлекеттік үлгідегі құжаттардың көшірмесі (сәйкестендіру үшін түпнұсқалар ұсынылмаған жағдайда нотариалды куәландырылған);
    - мектеп түлектері үшін: 9 сынып аяқтау куәлігі, 10-11-сыныптарындағы оқу үлгерімі туралы табелінің мектеп мөрімен расталған көшірмесі, мектеп директоры растаған түлек мәртебесі туралы анықтама;
    - студенттер үшін: қосымшалары бар диплом немесе аттестат көшірмелері, солармен қатар жоғары оқу орнының оқу бөлімі растаған сынақ кітапшасынан үзінді (немесе транскрипт), түлек мәртебесі туралы анықтама.
  5. «Денсаулық сақтау ұйымдарының бастапқы медициналық құжаттама нысандарын бекіту туралы» Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен (Нормативтік құқықтық актілерді мемлекеттік тіркеу тізілімінде № 6697 болып тіркелген) бекітілген нысан бойынша (шетелге шығушылар үшін) медициналық анықтама;
  6. грамоталар, сертификаттар, дипломдар, алғыс хаттардың көшірмелері, бар болған жағдайда;
  7. ұсыным хаттар, бар болған жағдайда;
  8. транскрипт (шетелдік жоғары оқу орнына магистратура немесе бакалавриат бағдарламалары бойынша өз бетінше түскен немесе оқып жүрген тұлғалар үшін). Бұл ретте, қазақ немесе орыс тіліне нотариалды куәландырылған аудармалар ұсынылады.

 

Тәжікстан Республикасының жоғары оқу орындары және мамандықтар туралы ақпарат қоса беріледі (Қазақстан Республикасы азаматтарын қабылдау жоспары).

 

Өтінім екі данада жасалуы тиіс (1 түпнұсқа, 1 көшірме).

Құжаттар тезтікпелерге тігіледі. Тезтікпелер мұқабасында аты-жөні, мекенжайы, телефон нөмірі, болжамды білім беру ұйымының атауы және мамандық көрсетілу қажет.

Құжаттарды қабылдау жұмыс күндері сағат 09.00-ден 17.30-ға дейін (түскі үзіліс салат 13.00-ден 14.30-ға дейін) Астана қ., Сол жағалау, Мәңгілік Ел д-лы, 8, «Алтын Орда» бизнес орталығы, 5-қабат, 501-кабинет мекенжайы бойынша жүзеге асырылады.

Тел.: +7 (7172) 24-93-86.

 

Қазақстандық азаматтар үшін Тәжікстан Республикасы 50 грант бөлді

11.04.2018

Қазақстан Республикасы Білім және ғылым министрлігі 2000 жылғы 13 маусымдағы Қазақстан Республикасының Үкіметі мен...

Шетелдегі қандастарды тегін грантпен қамтамасыз ету үшін ХБО мен ДҚҚ меморандумға қол қойды

Подписание меморандума

2 сәуір күні Астана қаласында Халықаралық бағдарламалар орталығы мен Дүниежүзі қазақтар қауымдастығы шет елде тұратын қазақ балаларын білім гранттарымен қамтамасыз ету бойынша меморандумға қол қойды.

Осы жылы қазақстандық студеннтер және қандастарымыз үшін шетел мемлекеттері 10 000 астам грант бөліп отыр.

Қол қою рәсіміне қатысқан Дүниежүзі қазақтар қауымдастығы Төрағасының бірінші орынбасары Зауытбек Тұрысбеков мұндай білім саласындағы келісім-шарт алғаш рет жасалып отырғанын айтты.

«Біз жақында қандастарымыз тұратын негізгі мемлекеттерді аралап шықтық. Ресейде, Өзбекстан мен Қытайда, Моңғолияда болдық. Қазіргі кезде шетте тұратын қандастарымыздың балалары түгелге жуық сол өздері тұрып жатқан елдің тілінде сөйлеп, оқып жатыр. Елбасының алаңдаушылық білдіріп отырғаны да осы мәселе. Соған орай тапсырма да берген. Сол бойынша түрлі шаралар қолданылып жатыр. Балалардың қазақ тілін игеріп, қазақтың рухани болмысын меңгеріп шығуы біздің ұлт ретіндегі маңызды мәселелеріміздің бірі. Осы тұрғыдан алғанда, шеттегі қазақтарымыздың ішінде де неше түрлі дарынды балалар бар. Соларды елге әкелуіміз керек. Оларды еліміздегі алдынғы қатарлы университеттерде оқытуымыз керек. Ал одан бөлек, қазір ғана қол қойған меморандум арқылы шет елдерде де оқуына мүмкіндік жасауымыз керек. Осы бойынша Халықаралық бағдарламалар орталығы білім саласы бойынша бізбен алғашқы болып келісім-шарт жасасып отыр» - дейді Зауытбек Тұрысбеков.

«Біздің басты мақсатымыз – шеттегі қандастарымыздың да қазақстандық жастармен бірдей білім алуын, олардың да сол білім алған жерлерінде қазақы мәдениетті, ұлттық болмысымызды насихаттауына мүмкіндік жасау» - деді Ж. Мелдешов.

 

Шетелдегі қандастарды тегін грантпен қамтамасыз ету үшін ХБО мен ДҚҚ меморандумға қол қойды

02.04.2018

2 сәуір күні Астана қаласында Халықаралық бағдарламалар орталығы мен Дүниежүзі қазақтар қауымдастығы шет елде...

Мажарстан және Қытай жоғары оқу орындарында оқуға ұсынылатын үміткерлердің тізімі

grants

 

2018 жылы 27 наурызда Астана қаласында Қазақстан Республикасы Парламенті Сенатының депутаты Б.С. Айтимова Венгрия мен Қытайдың шетелдік жоғары оқу орындарында оқуға үміткерлерді іріктеу жөніндегі Комиссияның отырысын өткізді. Оқуға ұсынылатын үміткерлердің жалпы саны 436 адам.

Қазақстан Республикасының Үкіметі мен Венгрия Үкіметі арасындағы Жоғары және жоғары оқу орнынан кейінгі білім беру саласындағы ынтымақтастық туралы келісімге сәйкес Мажарстан тарапы 200 грант бөлді: 90 бакалавриаттың стипендиялары; магистратураға 90 стипендия және докторантураға 20 стипендия беріледі. Үміткерлерден құжаттарды қабылдау үстіміздегі жылдың 22 қаңтарынан 23 ақпанына дейін жүргізілді. Барлығы 872 өтініш келіп түсті.

Қазақстан Республикасының Үкіметі мен Қытай Халық Республикасының Үкіметі арасындағы 2018/2019 оқу жылының келісіміне сәйкес қытайлық тарап қытайлық жоғары оқу орындарында қазақстандық азаматтарды оқытуға арналған 125 стипендия ұсынды. Өтініш берушілердің құжаттарды қабылдау ағымдағы жылдың 20 ақпанынан 7 наурызына дейін жүргізілді. Барлығы 325 өтініш берілді.

Қазақстан Республикасы Білім және ғылым министрі Е.Қ. Сағадиевтің бастамасы бойынша үміткерлерді іріктеудегі ашықтық пен айқындылықты қамтамасыз ету мақсатында Комиссия құрамы Қазақстан Республикасы Парламенті Сенаты, Қазақстан Республикасы Парламенті Мәжілісінің депутаттары, ҮЕҰ өкілдері, бұқаралық ақпарат құралдары, тиісті шет мемлекеттердің елшіліктері құрылды. Сонымен қатар, ҚР БҒМ-ның мүшелері комиссия құрамына кірген жоқ.

Комиссияның шешімі бойынша Мажарстан ЖОО-да оқыту үшін 200 үміткер ұсынылды, сондай-ақ Қытай жоғары оқу орындарында оқуға 125 үміткерлер ұсынылды.

Студенттердің тізімі және жоғары оқу орындарыға қабылдануы туралы соңғы шешімді қабылдаушы тарап шығарады екенін айта кеткені жөн.

 

Анықтама:

«Халықаралық бағдарламалар орталығы» АҚ жұмысының негізгі бағыттарының бірі білім саласындағы үкіметаралық келісімдерді жүзеге асыру. Осы келісімдер аясында 2018 жылы серіктес-мемлекеттер қазақстандық үміткерлер үшін 10 000-ға жуық грант бөлді.

Қазіргі уақытта Ресей, Польша, Малайзия және т.б. мемелекеттерде оқу үшін құжаттар қабылдануда.

Мажарстан ЖОО-да оқуға үміткерлер тізімін сілтеме арқылы біле аласыздар

Қытай ЖОО-да оқуға үміткерлер тізімін сілтеме арқылы біле аласыздар

Мажарстан және Қытай жоғары оқу орындарында оқуға ұсынылатын үміткерлердің тізімі

28.03.2018

  2018 жылы 27 наурызда Астана қаласында Қазақстан Республикасы Парламенті Сенатының депутаты Б.С. Айтимова Венгрия...

«Болашак» стипендиясының үміткерлерінің назарына

Болашак

 

Құрметті «Болашақ» халықаралық стипендиясының 2018 жылғы үміткерлері

«Болашақ» халықаралық стипендиясын іске асыру бойынша кейбір шаралар туралы» Қазақстан Республикасы Білім және ғылым министрінің 2018 жылғы 6 наурыздағы № 86 бұйрығына сәйкес 2018 жылғы «Болашақ» халықаралық стипендиясын тағайындау конкурсына қатысу үшін құжаттарды қабылдау және конкурсты өткізудің келесі мерзімдері бекітілді:

  • құжаттарды қабылдау – 2018 жылғы 19 наурыздан бастап 31 тамызға дейін;
  • конкурс өткізу – 2018 жылғы 26 ​​наурыздан бастап 20 қазанға дейін.

Конкурсқа қатысу үшін құжаттарды қабылдау «Азаматтарға арналған үкімет» мемлекеттік корпорациясы және/немесе электрондық үкіметтің (egov) веб-порталы арқылы жүзеге асырылатыны туралы ескертеміз.

Сонымен қатар, осы жылы «Болашақ» халықаралық стипендиясын тағайындау конкурсына қатысу үшін құжаттарды қабылдауға қатысты нормативтік құқықтық актілерге бірқатар өзгертулер мен толықтырулар енгізілетінін хабарлаймыз.

Атап айтқанда, қазіргі уақытта «Өз бетінше түскендер» санаты үшін бакалавр/маман дипломының орташа балына қойылатын талаптың 3,0GPA-ге дейін (4.0/4.33-ден) төмендеуіне қатысты өзгерістер ұсынымы қарастырылуда.

Сонымен бірге, бұрын тағайындалған стипендияны пайдаланбаған және оқуға немесе тағылымдамаға кіріспеген тұлғаларға, Орталық алдында берешегі болмаған жағдайда, «Болашақ» халықаралық стипендиясын тағайындау конкурсына қатысуға бір реттік мүмкіндік беріледі.

Жоғарыда көрсетілген өзгерістердің іске қосылуы туралы қосымша хабарланатын болады.

 

«Болашак» стипендиясының үміткерлерінің назарына

15.03.2018

  Құрметті «Болашақ» халықаралық стипендиясының 2018 жылғы үміткерлері «Болашақ» халықаралық стипендиясын іске асыру бойынша кейбір шаралар...

Times Higher Education – World University Rankings әлемдік жалпы университеттік рейтингімен ынтымақтасу болашағы

world-university-rankings

14 наурызда «Халықаралық бағдарламалар орталығы» АҚ (бұдан әрі – Орталық) өкілдері: Оқуды ұйымдастыру департаментінің директоры А.Сарманов және Зерттеу және талдау басқармасының м.а. А. Темирбулатова Times Higher Education – World University Rankings (THE Ranking, London) әлемдік жалпы университеттік рейтингінің стратегиялық даму департаментінің директоры Майкл Каруанамен кездесті.

 

Times Higher Education – World University Rankings – университеттердің ең беделді жаһандық рейтингтерінің бірі. Әлемдік университеттер жетістіктерінің деңгейі олардың қызметінің статистикалық талдауы, аудиттелген деректері, сондай-ақ халықаралық академиялық қоғамдастық өкілдері мен жұмыс берушілердің университеттер туралы пікірлерін білдіретін жыл сайынғы жаһандық сарапшылық сауалнамасы нәтижелері негізінде бағаланатынын атап өту керек.

 

Кездесу барысында Орталық пен THE Ranking арасындағы қарым-қатынас дамуының келешегі талқыланды. Сонымен қатар, жақын арада Ынтымақтастық туралы меморандумға қол қою жоспарлануда.


Встреча 5

Times Higher Education – World University Rankings әлемдік жалпы университеттік рейтингімен ынтымақтасу болашағы

15.03.2018

14 наурызда «Халықаралық бағдарламалар орталығы» АҚ (бұдан әрі – Орталық) өкілдері: Оқуды ұйымдастыру департаментінің...

Испандық жоғары оқу орандырының кампустары Қазақстанда ашылуы мүмкін

Встреча испания

«Халықаралық бағдарламалар орталығы» АҚ президенті Ж. Мелдешов «Kazakhstan-Europe Cooperation» (КЕС Edutrade, Испания) компаниясы құрылтайшысы және бас директоры Алехандро Пастрана Молеромен кездесті. «Kazakhstan-Europe Cooperation» (КЕС Edutrade, Испания) компаниясы мемлекеттік-жеке серіктестік бизнес-форматына бойынша жұмыс істейді. КЕС Edutrade компаниясы білім саласында да қызмет көрсетеді.

 

Кездесу барысында университеттік білім беру, студенттік мобильділік және қос диплом бағдарламалары бойынша қарым-қатынас жасау мүмкіндіктері талқыланды. Сонымен қатар, екі жақ Қазақстанда испандық жоғары оқу орындары кампустарын ашу мүмкіндіктері туралы сөз етті. Пастрана Молеро мырза «сапалы инфрақұрылым мен заман талабына сай білім жақсы нәтиже беруі мүмкін» екенін айтты.

 

Испандық жоғары оқу орандырының кампустары Қазақстанда ашылуы мүмкін

14.03.2018

«Халықаралық бағдарламалар орталығы» АҚ президенті Ж. Мелдешов «Kazakhstan-Europe Cooperation» (КЕС Edutrade, Испания) компаниясы құрылтайшысы...