«Халықаралық бағдарламалар орталығы» АҚ

ҚҰЖАТТАРДЫ ҚАБЫЛДАУ:

8 (7172) 76 90 82  76 90 84  24 93 85  24 93 86.

СЕНІМ ТЕЛЕФОНЫ:

8 (7172) 76 90 98

ҚР Президенті жанындағы ОКҚ-да «Тұлғалық капиталды дамытудың басымдығы ретінде шетелде кадрларды даярлау» тақырыбында брифинг болып өтті

15 ақпан күні ҚР Президенті жанындағы ОКҚ-да өткен брифингте білімнің бәсекеге қабілеттілігін арттыру және адами капиталды дамыту, «Болашақ» халықаралық стипендиясын дамытудың 2016–2020 жылдарға арналған жоспарын іске асыру және «Болашақ» халықаралық стипендиясын тағайындау үшін үміткерлерді іріктеу қағидаларына енгізілген өзгерістер туралы айтылды.

Брифинг спикерлері: ҚР Білім және ғылым вице-министрі Т. Балықбаев, ҚР БҒМ «Халықаралық бағдарламалар орталығы» АҚ президенті Ғ. Нығыметов, ҚР Президентінің «Болашақ» халықаралық стипендиясының түлегі Н. Сагинова. 

Вице-министр Т. Балықбаев атап өткеніндей, 2015 жылы Шетелде кадрлар даярлау жөніндегі республикалық комиссияның шешімімен «Болашақ» стипендиясы 601 үміткерге тағайындалған, оның ішінде 439 — магистратура, 40 – докторантура, 122-сі тағылымдама бағдарламасы бойынша. Бұған қоса докторантураға стипендиялар саны 2 есеге артқан және кәсіптік тағылымдамалар саны да осынша қысқартылған. Мұндай қарқын, ең алдымен, докторанттарды оқытудың Split PhD жаңа моделін енгізе отырып, бағдарламаның зерттеушілік және ғылыми әлеуетін өсіру шешіміне негізделген.

Бүгінгі күні бағдарламаның 503 түлегі мемлекеттік құрылымдарда, ұлттық және жеке компанияларда, білім және денсаулық сақтау ұйымдарында маңызды стратегиялық шешімдер қабылдау деңгейіндегі жоғары басқарушылық буында қызмет етуде. Олардың қатарында 4 вице-министр,  5 әкім, мемлекеттік ұйым мен мекеменің 81 басшысы, Ұлттық компаниялар мен банктердің 106 бірінші басшысы мен басқарма мүшесі, қоғамдық бірлестіктің 15 басшысы, 246 жеке ұйым басшысы бар. Олардың 20%-ына жуығы өңірлерде қызмет етуде. 1 203 түлек – орта басқарушылық буыннан (мидл менеджмент), олардың құрамына министрліктердің, ведомстволардың, ұлттық компаниялардың басшылары, бас инженерлер, медициналық, білім беру мекемелерініің бөлімшелері мен кафедраларының меңгерушілері және т.б. кіреді. Сонымен қатар 20%-ы өңірлерде еңбек етуде. 6 мыңнан астамы – бас менеджерлер, мамандар, сарапшылар, инженерлер, аға оқытушылар. Олардың төрттен бір бөлігі өңірлерде қызмет атқаруда. Бүгінде министрлікпен түлектерді жұмысқа орналастыру мәселесін шешімін тауып отыр: 2015 жылдың қорытындысы бойынша жұмысқа орналастырудың жалпы деңгейі 99,4%-ды құрады. «Болашақтықтардың» орташа жалақысының деңгейі ел бойынша — 414 480 теңге. Мемлекеттік зейнетақы төлеу орталығымен бірлесе стипендияның өтелімділігін есептей келе, білім аударымдары арқылы ғана стипендиаттар өздерінің жұмыс істеу кезеңінде  оқуларына жұмсалған соманы 2 есе көлемінде жабады.

2015 жылғы қорытындылар бойынша бағдарламаның маңызды нәтижелері – алғашқы алты айда Қазақстанда, одан кейінгі 6 айда шетелде «6+6» жүйесі бойынша тілдік даярлауды енгізу және оқуға ұсынылатын Жоғары оқу орындарының тізімін 30%-ға қысқарту (барлығы 170 университет). 2016 жылдан бастап оған QS, Academic Ranking of World Universities, Times Higher Education беделді рейтингілеріндегі тек алғашқы 100 орындағы және пәндік рейтингілердегі алғашқы 10 орындағы университеттер енгізілген. Бұған қоса, МВА бағдарламалары бойынша оқу үшін Тізімге Financial Times нұсқасы бойынша әлемнің 10 үздік бизнес-мектебі енгізілген. Сонымен қатар даярлықтың 163 бағыты анықталған, олардың 67-сі — техникалық, 49-ы – гуманитарлық және 47-сі – медициналық бейінді. Жаңа тізбе екі еседен аса қысқартылып (343-тен 163 мамандыққа дейін), инженерлік-техникалық блокка бағытталған. Үміткерлерді іріктеу жөніндегі Тәуелсіз сараптамалық комиссияның құрамына Ұлттық кәсіпкерлер палатасының, «KazEnergy» қауымдастығының, «Бәйтерек» ҰБХ», «Қазақстан машина жасаушылар одағының» сарапшылары енгізілген. 2016 жылы ТСК құрамына «Қазақстан – 2050» жалпыұлттық қозғалысының өкілдері қосылатын болады. 2016 жылдан бастап ТСК мүшелерімен өтетін барлық әңгімелесулер бейнежазбаға жазылып, барлық тағылымдамалар «100 қадам» Ұлт жоспарының бастамалары бойынша мақсатты болмақ.

Жалпы алғанда қазақстандық студенттерді шетелде даярлау практикасы осындай. 12 мемлекетпен олардың жоғары оқу орындарының базасында қазақстандық студенттерді оқыту туралы үкіметаралық уағдаластыққа қол жеткізілді. 2015 жылы әріптес елдер 195 орын ұсынған. Оқуға 140 адам жіберілген, олардың 59-ы Қытай жоғары оқу орындарына, 45-і Венгрия жоғары оқу орындарына, 21-і Тәжікстанға, 6-ауы Беларусь Республикасына, 4-еуі Қырғызстанға, 3-еуі Украинаға және 2-еуі Вьетнамға.Студенттердің академиялық ұтқырлығы бойынша Болон процесі шеңберіндегі ынтымақтастық кеңеюде. Соңғы үш жылда шетелге 2,5 мыңға жуық қазақстандық оқуға шыққан, олардың ішінде 2 251 – Еуропа елдеріне,  126 – АҚШ-қа, 82 – Оңтүстік Шығыс Азияға. 2015 жылы академиялық ұтқырлықты іске асыруға мемлекеттік бюджеттен 619 723, 4 мың теңге бөлінген. Екі дипломдық бағдарлама табысты іске асырылуда. Екі дипломдық және бірлескен білім бағдарламалары бойынша кадрлар даярлауды 45 жоғары оқу орны жүзеге асыруда, олардың ішінде 5-еуі — ұлттық, 16-сы — мемлекеттік, 11-і — акционерлік, 13-і — жекеменшік. Әлемнің 18 елінде біздің әріптестеріміз бар. Осы бағдарлама бойынша оқып жатқан студенттердің жалпы контингенті 7,6 мың студентті құрайды. Соңғы үш жылда 2 900 адам қос диплом иегері атанған.

Стипендияны дамытудың 2016–2020 жылдарға арналған жаңа жоспары қабылданды. Жоспарға сәйкес «ЖОО түлегі» санаты алынып тасталып, «магистратураға инженерлік-техникалық қызметкер» жаңа санаты енгізілді;  үміткерлердің квоталық санаттары үшін дипломының орташа балы GPA 4.00-ден бұрынғы 2.67-ден 3.00-ге арттырылды; ағылшын тілін білу деңгейіне талаптар IELTS 4.0-ден 5.0-ге көтерілді; үміткерлердің жұмыс өтіліне талаптар өзгертілді (магистратура мен докторантураға жалпы жұмыс өтілі кемінде 2 жылды, тағылымдамаға – таңдап алған мамандығындағы соңғы 12 айды қоса алғанда, кемінде 3 жылды құрауы тиіс). Сонымен қатар «100 нақты қадам» ұлт жоспарының маңызды жобалары үшін мамандарды кешенді даярлау көзделген. 2016 жылы «Астана» халықаралық қаржы орталығы (70-қадам, ҚР Ұлттық банкінің тапсырысы), ҚР Жоғарғы соты жанындағы Халықаралық кеңес (25-қадам, ҚР Жоғарғы сотының өтініші), «Азаматтар үшін үкімет» мемлекеттік корпорациясы (100-қадам, ҚР Инвестициялар және даму министрлігі) үшін тағылымдамаға мақсатты топтар құрылатын болады. Ағымдағы жылдан бастап кәсіптік тағылымдамадан өту үшін барлық санаттар салалық заңнамаға енгізілген өзгерістерге сәйкес Республикалық комиссияның шешімімен анықталады.

sck1.jpeg

Астанада «Болашақ» халықаралық стипендиясының Тіл мектебі ашылды

2016 жылғы 11 ақпанда Астана қаласында алғаш рет «Болашақ» халықаралық стипендиясының жаңа Тіл мектебінің ресми түрде ашылуы болып өтті.

Бұл жерде 2015 жылы «Мемлекеттік қызметшілер», «Ғылыми-педагог қызметкерлер», «Мәдениет қызметкерлері», «БАҚ редакциясының қызметкерлері» және «ЖОО түлектері» санаттары бойынша оқуға түскен алғашқы 60 стипендиат оқуды бастады.

Ашылу салтанатына «Халықаралық бағдарламалар орталығы» АҚ президенті Гани Ныгыметов, Ұлыбританияның Қазақстан Республикасындағы Елшісі, доктор Кэролина Браун, Қазақстандағы Британдық кеңес директоры Джим Баттери, тіл мектебінің қызметкерлері, сондай-ақ 2015 жылы стипендия тағайындалған стипендиаттар қатысты.

«Болашақ» стипендиясын іске асыруды жетілдіру бойынша жүргізілген жұмыс шеңберінде біз тарихта алғаш рет Алматы қаласында 2015 жылғы 7 қазанда және Астана қаласында ағымдағы жылғы 1 ақпанда Тіл мектебін аштық.

Осы мектептің негізгі серіктесі Британдық кеңес болып табылады. Мектеп жұмысы ағылшын тілін оқытудың «6+6» жаңа форматын ұсынады, онда алғашқы 6 айда «Болашақтың» квоталық стипендиаттары ағылшын тілін Қазақстанда, қалған 6 айда шетелде оқиды.

Осылайша, стипендиаттардың ағылшын тілін оқу тиімділігі айтарлықтай артып, тілдік даярлыққа жұмсалатын қаржы қаражаттарын оңтайландыруға қол жеткізілді, – деді «Халықаралық бағдарламалар орталығы» АҚ президенті Гани Ныгыметов мектептің ашылу салтанатында.

Алматы қаласында бірінші тіл мектебінің салтанатты ашылу шарасы 2015 жылғы 7 қазанда әл-Фараби атындағы Қазақ ұлттық университетінің базасында өтіп, онда «Болашақ» бағдарламасының 38 стипендиаты оқуды бастаған.

1

4

2

3

Жаңа Қазақстан Республикасының Білім және ғылым министрі тағайындалды

Қазақстан Республикасының Президенті Н.Ә.Назарбаевтың 2016 жылғы 10 ақпандағы № 194 Жарлығына сәйкес Ерлан Кенжегалиевич Сагадиев Қазақстан Республикасының Білім және ғылым министрі болып тағайындалды.

Е. К. Сагадиев осы лауазымға тағайындалғанға дейін 2014 тамыздан бастап 2015 жылғы шілдеге дейін Қазақстан Республикасының Инвестициялар және даму вице-министрі лауазымын атқарған.

photo 177188

Берлинде Қазақстан Республикасы Парламенті Мәжілісіне мерзімінен бұрын сайлау өткізуге дайындық барысы талқыланды

Қазақстан Республикасы Парламенті Мәжілісіне депутаттарды сайлауға дайындық мәселесі Берлинде өткізілген Неміс-қазақстандық қоғамдастық стипендиаттарымен кездесудің күн тәртібінің басты тақырыбы болды.

Осы мәселе бойынша ақпаратпен Германия Федералдық Республикасындағы Қазақстан Республикасының Елшісі Е. Смаков сөз сөйлеп, қатысушыларға  Берлин және Франкфурт-на-Майне қалаларында екі сайлау учаскесінің жұмысын ұйымдастыру бойынша шаралар туралы айтып берді.

Бұған қоса, Неміс-қазақстандық қоғамдастығының басшысы Г. Нуртазинова Қазақстан мен Германия арасындағы инвестиция тарту және шетелде Қазақстанның бет-бейнесін нығайтуға бағытталған ынтымақтастық шеңберінде өткізілген іс-шараларға тоқталды.

Өз кезегінде стипендиаттар шетелдегі қазақстандықтарға хабарлау мақсатында әлеуметтік желілердегі өз парақтарында қолжетімді нысанда мерзімінен бұрын сайлау өткізу туралы ақпараттық материалдар орналастыру бойынша ұсыныс енгізді.

FRG 2016

Калифорнияда «Болашақ» бағдарламасының стипендиаттары Қазақстанда өтетін парламент сайлауын талқылады

Лос-Анджелестегі Оңтүстік Калифорния университетінде 20 стипендиатпен кездесу өткізіліп, онда Қазақстандағы парламент сайлауы талқыланды. Іс-шараның бастамашысы «Халықаралық бағдарламалар орталығы» АҚ-ның АҚШ-тағы өкілдігі болып отыр.

Талқылау барысында Қазақстанда кезектен тыс парламент сайлауын өткізудің негізгі себептері, постсайлау кезеңінде Қазақстанның әлеуметтік-экономикалық саласында қайта құруға және осындай шешім қабылдауға мүмкіндік берген басты факторлар қаралды.

Барлық стипендиат Қазақстан Республикасы Парламентінің Мәжілісі депутаттары мен барлық деңгейдегі маслихат депутаттарын мерзімінен бұрын сайлау маңызды әрі уақытылы қадам екендігі туралы ойларын білдірді.

Кездесу соңында қатысушылар 2016 жылғы 20 наурызға белгіленген сайлауға белсенді қатысатындықтарын жеткізді.

Вашингтондағы стипендиаттар 20 наурызға белгіленген кезектен тыс сайлау өткізу мәселесін талқылады

Стипендиаттардың кездесуі АҚШ-тағы Қазақстан Республикасының Елшілігінде болып өтіп, онда олар диолог форматында Қазақстан Республикасы Парламенті Мәжілісі мен барлық деңгейдегі мәслихаттар депутаттарының кезектен тыс сайлауын өткізуге қатысты өз ойларын бөлісті.

Руслан Жексебайулы, Дж.Вашингтон атындағы университеттің магистранты:

– Мемлекет басшысының Қазақстан Республикасы Парламенті Мәжілісінің депутаттарын мерзімінен бұрын сайлау туралы шешімі ағымдағы жылғы оперативтік реакция болып табылады. Бесінші шақырыламдағы Мәжіліс құрамы заманауи талаптарға сәйкес мемлекеттің дамуы үшін заңнамалық негіз даярлау үшін бар күш-жігерін салды. Дамудың негізгі салалары «Бес институционалдық реформаны іске асыру бойынша 100 нақты қадам» ұлт жоспарында берілген.

Саяси ғылымдарды оқып жатқан Шалкар Нурсеитов те осы ұстанымда.

Шалкар Нурсеитов, Дж.Вашингтон атындағы университеттің магистранты:

– Қазіргі уақыттағы жағдайда мерзімінен бұрын сайлау өткізу жалғыз дұрыс қадам деп есептеймін. Менің ойымша, мерзімінен бұрын сайлау өткізу сайлау циклін ұзақ мерзімге созбауға мүмкіндік береді, және бұл сайлауды ұйымдастыру және өткізу үшін ұлттық бюджетке жүктемені барынша қысқартады, бұл ағымдағы жағдайда Қазақстанның одан әрі тұрақты дамуы үшін маңызды болып табылады.

Осылайша, стипендиаттар кезектен тыс сайлау өткізуді оң қабылдап, әрбіреуі Қазақстанды дамыту бағдарламасына қатысу үшін жаңа білімдері мен дағдыларын қолдану үшін тез үйлеріне қайтуды асыға күтуде.

Мемлекет басшысы Нұрсұлтан Назарбаев 20 қаңтарда «Бесінші шақырылымдағы Қазақстан Республикасы Парламенті Мәжілісін тарату және Қазақстан Республикасы Парламенті мәжілісінің депутаттарын кезектен тыс сайлауын тағайындау туралы» Жарлыққа қол қойған.

Құжатқа сәйкес партиялық тізім бойынша сайланатын Мәжіліс депутаттарының кезектен тыс сайлауы – 2016 жылғы 20 наурызда, Қазақстан халықтары ассамблеясынан депутаттарды сайлау 2016 жылғы 21 наурызда өтеді.

Шанхайдағы стипендиаттар Қазақстандағы саяси реформаларды қолдауда

Шанхай шет тілдері университеті жанындағы «Қазақстан орталығында» «Болашақ» бағдарламасының стипендиаттары, оның ішінде Қытайдағы қазақстандық студенттер қауымдастығының белсенділері «Қазақстан Республикасындағы саяси реформалар» тақырыбында дөңгелек стол өткізді.

Іс-шара қатысушылары Қазақстандағы бес институционалдық реформаны іске асыру бойынша 100 нақты қадамды, сондай-ақ Қазақстан Республикасы Парламенті Мәжілісі депутаттарын мерзімінен бұрын сайлауды өткізу туралы шешімді талқылады.

«Мәжілісті мерзімінен бұрын тарату және жергілікті мәслихаттармен бірлесіп мерзімінен бұрын сайлау өткізу мемлекеттік бюджет қаражатын айтарлықтай үнемдеп қана қоймай, «100 нақты қадам» ұлт жоспарын іске асыру процесін жылдамдатуға ықпал етеді. Мен заңгер ретінде осы уақытылы шешімді қолдаймын»,— деді өз баяндамасында Шанхай көлік университеті құқық факультетінің магистранты, «Болашақ» стипендиаты Назгуль Максуткан.

Шығыс Қытай педагогикалық университетінің студенті Вячеслав Теннің айтуынша, қиын қыстау жағдайында барлық қазақстандықтарға бірігіп, қиындықтарды бірлесіп жеңу қажет. «Президент ұсынған «Мәңгілік ел» ұлттық идеясы жанындағы біріккен болашақ ұлтын құру бойынша реформа біздің ортақ, көпұлтты отбасымыздың этно-әлеуметтік топтары өкілдерінің мүддесіне сәйкес келеді», – деді ол.

Фудань университетінің «IT-технологиясы» мамандығының магистранты, «Болашақ» стипендиаты Алымжан Толеу «100 нақты қадамды» іске асыру ақпараттық технологиялар мен жүйелер саласында көптеген жобаларды болжайды. «Бұл Қазақстанды қайта құру және дамытуға үлес қосуға қатысуға ниетті ІТ саласындағы жас мамандарға жақсы мүмкіндік», – деді ол.

Шанхай Теңіз істері университетінің экономика факультетінің магистранты Барлыбаева Алтынай «дағдарыс» сөзі қытай тілінде «тәуекел» және «үміт» екі иероглифімен жазылады. Осыған байланысты әлемдік дағдарыс кезеңінде «100 нақты қадам» Қазақстанға ел экономикасын индустриализациялау және отандық өндірісті дамыту бойынша үлкен мүмкіндік ашады.

Жас кәсіпкер, «Shanghai Silkroad» компаниясының негізін салушы Аскар Оразбеков студенттерге жастардың орта және шағын бизнесті дамытуға белсенді қатысу мүмкіндігі туралы айтып берді. А. Оразбековтың айтуынша, «100 нақты қадам» ұлт жоспарында болашақта Қазақстанның экономикасы дамуының негізгі қозғалтқышына айналуы тиіс орта және шағын бизнесті дамыту үшін жағдай жасалған.

«Дөңгелек стол» нәтижесінде Шанхай қаласындағы қазақстандық студенттер Қазақстан Республикасы Парламентінің Мәжілісіне мерзімінен бұрын сайлау жүргізуге қолдау жасап, Шанхайдағы Қазақстан Республикасының Бас консулдығы жанындағы № 244 сайлау учаскесінде өтетін Қазақстан Республикасы Парламенті Мәжілісіне мерзімінен бұрын сайлауды ұйымдастыруға ықпал жасау бойынша бастамашылар тобын құру туралы шешім қабылдады.

Шанхай шет тілдері университеті жанындағы «Қазақстан орталығы» 2015 жылғы қарашада Шанхай қаласында Қазақстан Республикасы Бас Консулдығы мен «Халықаралық бағдарламалар орталығы» АҚ бірлескен бастамасы бойынша құрылған. Шанхай шет тілдері университеті жанындағы «Қазақстан орталығының» міндеттерінің бірі Шанхай қаласында білім алып жатқан қазақстандық жастарды патриоттық тәрбиелеу және оларды біріктіру болып табылады.

2

3

4

FaLang translation system by Faboba

2016 Все права защищены. © АО «Центр международных программ». При использовании материалов ссылка на сайт обязательна.




Создание и продвижение сайтов в Астане — ABC Design