«Халықаралық бағдарламалар орталығы» АҚ

1

АШИКБАЕВА ДИНАРА МУРЗАКОВНА


1975 жылы 10 қыркүйекте Алматы қаласында дүниеге келген. 2016 жылы Назарбаев Университетінің Мемлекеттік саясат жоғары мектебінің атқарушы директоры болып тағайындалды.

Улудаг Университетінің (Бурса, Түркия) экономика және әкімшілік ғылымдар факультеті халықаралық қатынастар бөлімшесін «Мемлекеттік басқару» мамандығы бойынша тәмамдаған. Сонымен қатар 2015 жылы Назарбаев Университеті Жоғары бизнес мектебінің «Басшыларға арналған МВА» (ЕМВА-2015) бағдарламаcының түлегі болып табылады.

Еңбек жолын 2000 жылы Қазақстан Республикасының Түркиядағы Елшілігінде Консулдың көмекшісі, кеңсе меңгерушісі ретінде бастаған. 2006 жылы «ҚазақТүрікМұнай» ЖШС аудармашысы, кейін болып жұмыс істеген, 2006 жылғы қазан — 2010 жылғы мамыр аралығында «Халықаралық бағдарламалар орталығы» АҚ Мониторинг және бақылау департаментінің бас менеджері, Оқытуды ұйымдастыру және мониторинг жасау басқармасының Америка елдері бөлімінің бастығы, Конкурсты және ғылыми тағылымдамаларды ұйымдастыру басқармасының бастығы ретінде қызмет атқарған. 2010 жылғы мамыр айында Назарбаев Университетінің Қабылдау депратаментінің директоры болып тағайындалып, осы қызметте 2016 жылғы қазан айына дейін жұмыс істеді. Қазіргі уақытта Назарбаев Университетінің Мемлекеттік саясат жоғары мектебінің атқарушы директоры қызметін атқаруда.

   

БИҒАРИ РУСТЕМ АЙДАРБЕКҰЛЫ


1976 жылы 20 ақпанда Көкшетау қаласында дүниеге келген.

1999 жылы Ш. Уәлиханов атындағы Көкшетау мемлекеттік университетін Информатика және ЕТ мамандығы бойынша тәмамдаған. 2015 жылы — Бостон университетінің (АҚШ) магистратурасын киберқауіпсіздікке мамандандырылған ақпараттық жүйелер мамандығы бойынша бітірген, «Болашақ» бағдарламасының стипендиаты. Информатика, бақылау және басқару бағыты бойынша PhD докторы.

Еңбек жолын 1999 жылы бастаған.

1999 жылдан 2003 жылға дейін Қазақстандағы БҰҰ Даму бағдарламасында жұмыс істеген. 2003 жылдан бастап «Ұлттық ақпараттық технологиялар» АҚ-да еңбек еткен. 2006–2009 жылдар аралығында Президент Әкімшілігінде бас сарапшы, кеңесші, ақпараттандыру секторының меңгерушісі лауазымдары бойынша жұмыс істеген.

«Электронды үкіметті» қалыптастыру және дамыту бағдарламаларын, « Цифрлық Қазақстан » мемлекеттік бағдарламасын әзірлеуге қатысқан.

2009 жылғы тамыз айынан бастап қазіргі таңға дейін ҚР Президенті Әкімшілігінің Ақпараттандыру және ақпараттық ресурстарды қорғау бөлімі меңгерушісінің орынбасары қызметін атқарған. 2018 жылғы 07 маусымнан бастап Қазақстан Республикасының Білім және ғылым вице-министрі.

«Ерен еңбегі үшін» мемлекеттік наградасымен, мерейтойлық медальдармен марапатталған.

   

ДАИРОВА ҚАДИША НҰРДІЛДӘҚЫЗЫ


Мәскеу шет тілдері педагогикалық институтының филология ғылымдары кандидаты дәрежесіне ие. «Назарбаев Университеті» ДББҰ Студенттік істер және халықаралық қатынастар жөніндегі вице-президенті. Бұрын Қазақстан Республикасы СІМ, Қазақстан Республикасының АҚШ-тағы Елшілігінің Үшінші хатшысы және Қазақстан Республикасы СІМ Екінші хатшысы болып Америка және Еуропа департаментінде қызмет атқарды.

1998–2005 жылдар аралығында Қазақстан Республикасы Білім және ғылым министрлігінің АҚШ-тағы өкілі, сондай-ақ Қазақстан Республикасының АҚШ-тағы Елшілігінің екіжақты ынтымақтастықтың гуманитарлық мәселелері бойынша кеңесшісі болып қызмет етті. АҚШ пен Канадада Қазақстан Республикасы Президентінің «Болашақ» бағдарламасын әкімшілендіру бойынша басымды міндетті атқарды.

«Халықаралық бағдарламалар орталығы» АҚ-ның Президенті, Қазақстандық менеджмент, экономика және болжам институтының (ҚМЭБИ) даму жөніндегі проректоры, Әл-Фараби атындағы ҚазҰУ Халықаралық ынтымақтастық департаментінің директоры лауазымдарын атқарды.

Қазақ мемлекеттік университеті (ҚазМУ) Дипломатия академиясының доценті, Алматы қаласындағы «Лингвистикалық орталығы» қоғамдық қорының президенті және негізін қалаушысы.

   

ДОСЫБАЕВ НУРМУХАММЕД МАРАТОВИЧ


1992 жылы 14 қаңтарда дүниеге келген.

«Astana Garden School» ЖШС компаниясының негізін қалаушы және бас директоры. Мектеп құрылғанға дейін Шымкент қаласының Білім басқармасында басшылық қызмет атқарды, ол жақта бес жүз мыңнан астам оқушылары бар жүз отыз мектеп және сегіз мектептен тыс қосымша білім беру ұйымдарын басқарды.

Досыбаев Н. М. «Болашақ» президенттік стипендиясының иегері, «Білім беру философиясының магистрі» мамандығы бойынша Кембридж университетінің (The University of Cambridge, Ұлыбритания) түлегі.

Тараз мемлекеттік педагогикалық университетінің «Екі шет тілінің мұғалімі» мамандығы бойынша бакалавр дәрежесі және Қазтұтынуодағы Қарағанды экономикалық университетінің «Мемлекеттік және жергілікті басқару» мамандығы бойынша бакалавр дәрежесі бар.

«Электронды үкіметті» қалыптастыру және дамыту бағдарламаларын, « Цифрлық Қазақстан » мемлекеттік бағдарламасын әзірлеуге қатысқан.

Дарынды балаларға арналған «Дарын» мектебінде, қазақ-түрік лицейлерінде, Сүлеймен Демирел университетінде, сондай-ақ басқа да түрлі білім беру ұйымдарында әртүрлі қызметтерде жұмыс атқарған.

Қазақ, орыс, ағылшын және корей тілдерін меңгерген.

   

КАДЮКОВ НИКОЛАЙ ВИКТОРОВИЧ


1959 жылы дүниеге келді. 2000 жылдан бастап Қазақстан Республикасының Қаржы министрлiгі Мемлекеттiк мүлiк және жекешелендіру комитетiнiң Басқарма орынбасары.

1980 жылы Қарағанды педагогикалық институтын, 1999 жылы РФ Үкіметі жанындағы Халық шаруашылығы академиясын «Экономика және басқару» мамандығы, сонымен қоса 2007 жылы Е. Букетов атындағы Қарағанды мемлекеттік университеті «Құқықтану» мамандығы бойынша оқу бітірді.

Жеке және мемлекеттік сектор компанияларында корпоративті қаржы саласында жұмыс тәжірибесі бар. 1986–1991 жылдары коммерциялық құрылымдарда жұмыс істеді. 1991–1995 жылдары Мәскеу қаласында «Ресей Федерациясы және Қазақстан Республикасы кәсіпорындарының іскерлік ынтымақтастығына жәрдемдесу қауымдастығының» коммерциялық сұрақтары бойынша директорының орынбасары лауазымын атқарды. Кейіннен Алматы қаласында «Мақсат» акционерлік банкі, «Қарағанды-Карбид» АҚ басқарушысы, «Кәсіпорындарды қайта құру және тарату жөніндегі агенттігі» ААҚ Қарағанды филиалының директор орынбасары қызметтерінде жұмыс істеді. 1999 жылдан бастап Кадюков мырза Қазақстан Республикасының Қаржы министрлiгі Мемлекеттiк мүлiк және жекешелендіру комитетiнде қызмет етуде.

   

КӘРІБОЗОВА АЙНҰР БАҒДАТҚЫЗЫ


1978 жылы туған.

Әл Фараби атындағы Қазақ ұлттық университеті мен Қазақстан Республикасы Сыртқы істер министрлігінің Дипломатиялық академиясын «Халықаралық қатынастар» мамандығы бойынша тәмамдаған. «Болашақ» халықаралық бағдарламасының шеңберінде Лондон экономика мектебінің «Мемлекеттік басқару және менеджмент» мамандығы бойынша магистратурасын бітірген.

2000–2019 жылдар аралығында ҚР Сыртқы істер министрлігінің Консулдық қызмет департаменті, Ақпарат және талдау басқармасы, Қазақстанның Оңтүстік Корея және Ұлыбританиядағы елшіліктерінде қызмет етіп, «Халықаралық бағдарламалар орталығы» акционерлік қоғамы Оқытуды ұйымдастыру және мониторинг департаментінің директоры, «KazakhInvest» АҚ және «Ұлттық аударма бюросы» қоғамдық қорының Ұлыбританиядағы өкілдіктерінің басшысы лауазымдарын атқарған.

Бірінші сыныпты бірінші хатшы дипломатиялық дәрежесі бар.

   

МҮСІРЕПОВ КӨПЖАН ІСҚУАТҰЛЫ


2009 жылғы қыркүйектен бастап қазіргі уақытқа дейін «Curtis, Mallet-Prevost, Colt & Mosle LLP» халықаралық заң компаниясында Аға заңгер болып жұмыс істейді. Кешенді және халықаралық мәмілелерді заңды сүйемелдеу бойынша тәжірибесі бар, қоғамдық қызметпен айналысады, ғылыми іс-шараларға белсенді қатысады. «Best for kids» қоғамдық қоры Қамқоршылық кеңесінің және Ұлыбритания Королдік Төрешілер Институтының мүшесі. «Атамекен» ҚР Ұлттық кәсіпкерлер палатасы Төрелік орталығының төрешісі. 2002 жылы Ақтөбе қаласындағы Қазақ-Орыс Халықаралық Университетін «Құқықтану» мамандығы бойынша тәмамдаған. «Болашақ» Қазақстан Республикасы Президентінің халықаралық стипендиясының иегері атанып, 2008 жылы «Геосаясат және халықаралық қауіпсіздік» мамандығы бойынша Италиядағы Рим қаласының La Sapienza – Рим университетінде әлеуметтік және гуманитарлық ғылымдар магистрі дәрежесін алды. АҚШ, Италия, Ұлыбритания, Грузияда және басқа да елдерде біліктілікті жоғарылату курстарынан, тағылымдамадан өтті. Еңбек қызметін 2002 жылы «Қазақстан темір жолы» ҰК» АҚ-да заң кеңесшісі ретінде бастады, 2005–2006 жылдары «Халықаралық бағдарламалар орталығы» АҚ-да заңгер болды, 2008–2009 жылдары «Самұрық-Қазына» Ұлттық әл-ауқат қоры» АҚ-да жұмыс істеді. Қазақ, орыс, ағылшын және итальян тілдерін меңгерген. Үйленген, үш баласы бар.

   

САЯСАТ НҰРБЕК


Семей қаласында 1981 жылы 18 мамырда дүниеге келген.

«Саясаттану» мамандығы бойынша Маршаллтаун колледжінде (АҚШ), «Халықаралық құқық» мамандығы бойынша Л. Н. Гумилев атындағы Еуразия ұлттық университетінде, геосаясат магистр дәрежесін Римдегі La Sapienza университетінде (Италия), психология бакалавры дәрежесін «Көкше» академиясында оқып, білім алған.

АҚШ, Сингапур, Бельгия, Жапония, Голландия елдерінде тағылымдамадан және біліктілікті арттыру курстарынан өткен.

2000–2001 жылдары конгрессмен Марк Смиттің (АҚШ) көмекшісі болып жұмыс істеді. 2002–2004 жылдары Қазақстанда жастар саясатын іске асыруға белсене қатысты. 2006–2009 жылдары «Қазына» орнықты даму қоры» АҚ-да инвестициялық жобалар саласында жұмыс жасады. ҚР Президенті Әкімшілігінің кадрлық саясат секторының меңгерушісі, ҚР Президенті жанындағы Мемлекеттік басқару академиясының халықаралық ынтымақтастық және ғылым жөніндегі вице-ректоры, «Қазына» орнықты даму қоры» АҚ-да департамент директоры, Кадрлық саясат және персоналды басқару жөніндегі атқарушы директоры қызметтерін атқарды. 2009 жылы ҚР Президенті жанындағы Мемлекеттік саясаттың ұлттық мектебінің директоры болып тағайындалды. 2010 жылғы қарашадан бастап 2013 жылғы қыркүйек аралығында ҚР Білім және ғылым министрлігінің «Халықаралық бағдарламалар орталығы» АҚ президенті болды. 2013–2015 ж.ж. аралығында «НұрОтан» партиясы Қоғамдық саясат институтының директоры қызметін атқарды. 2015–2016 ж.ж. Алматы қаласы әкімдігінің Ішкі саясат басқармасы бастығының м.а. болды. 2016 жылғы шілдеден бастап «Астана халықаралық қаржы орталығы» басқармасының мүшесі, Басқарушы директоры болып жұмыс істеді. Бүгінде BTS Education компаниясының директоры, сондай-ақ National Geographic Kazakhstan ерікті елшісі.

Қазақстан Республикасының мемлекеттік наградасы — «Ерен еңбегі үшін» медалімен, «Астана 20 жыл» медалімен, ҚР Тәуелсіздігінің 20 жылдығына арналған медалімен, Л. Н. Гумилев атындағы Еуразия ұлттық университеті Заң факультетінің 15 жылдығына арналған мерейтой медалімен, Қазақ Гуманитарлық-Заң университетінің 20 жылдыққа арналған «Құрмет белгісі» медалімен, KATEV халықаралық қорының 20 жылдығына арналған мерейтой медалімен марапатталған. ¬ҚР Президентінің, ҚР Премьер-министрінің алғыс хаттары, «Нұр Отан» партиясы Төрағасының Бірінші орынбасарының алғыс хаты, АҚШ Білім және Мәдени Байланыстар Хатшысының алғыс хаты бар.

Қазақ, орыс, ағылшын, түрік, итальян, испан, жапон және латын тілдерін жақсы меңгерген.

Үйленген. Үш баласы бар.

e-max.it: your social media marketing partner
FaLang translation system by Faboba

2016 Все права защищены. © АО «Центр международных программ». При использовании материалов ссылка на сайт обязательна.




Создание и продвижение сайтов в Астане — ABC Design