10 лет

Телефоны по вопросам приема документов и конкурса: 8 (7172) 76 90 82; 76 90 84; 24 93 85; 24 93 86.

egov new

«Халықаралық бағдарламалар орталығы» АҚ

ҚОСЫМША КЕЛІСІМ ЖАСАУ РӘСІМІ

Құрметті Стипендиаттар және Кепіл берушілер!

Қосымша келісім жасау рәсімі мынадай кезеңдерден тұрады:

1. Стипендиаттың төменде көрсетілген құжаттарды ұсынуы.
2. Заң департаментінің оқуды/тағылымдамадан өтуді ұйымдастыру туралы шартқа қосымша келісім жобасын құру және оны «Халықаралық бағдарламалар орталығы» АҚ-да (бұдан әрі – «ХБО» АҚ) келісу. 

- кейбір жағдайларда (оқу мерзімін, оқу сомасын өзгерту, Стипендиат/Кепіл берушінің тетігін ауыстыру) келісуге жататын кепіл шартына қосымша келісім жасау талап етіледі.

— «ХБО» АҚ атынан «Азаматтар үшін үкімет» мемлекеттік орпорациясы» коммерзиялық емес акционерлік қоғамы арқылы әділет органдарында қосымша келісімді тіркеу үшін басшы (бастықтың міндетін атқарушы) қолының үлгісімен және ұйым мөрімен Кепіл беруші(лер) көрсеткен адамға сенімхат дайындау.

3. Қосымша келісімге «ХБО» АҚ басшысының (басшының міндетін атқарушының), Стипендиаттың, Кепіл берушінің (қажет болған жағдайда), Жұмыс берушінің (үш жақты шарт жасау кезінде) қол қоюы. Жұмыс беруші үш жақты қосымша келісімге қол қоюы қажет болған жағдайда, Стипендиатқа осындай қосымша келісімнің үш данасы беріледі. Жұмыс берушімен келісімге қол қойылғаннан кейін, Стипендиат «ХБО» АҚ-ға қосымша келісімнің қол қойылған бір данасын береді.

Назар салыңыз! Жұмыс беруші атынан қосымша келісімге уәкілетті адам ғана қол қоюы керек. Стипендиат «ХБО» АҚ-ға қосымша келісімге қол қоюшы адамның өкілеттігін растайтын құжатты ұсынуға міндетті (мысалы, басшыны тағайындау туралы/міндеттеме жүктеу туралы бұйрық).

4. Кепіл шартына қосымша келісімге қол қойылған жағдайда, оның барлық даналары «Азаматтар үшін үкімет» мемлекеттік орпорациясы» коммерзиялық емес акционерлік қоғамы арқылы әділет органдарында қосымша келісімді тіркеу үшін Кепіл берушіге (Кепіл берушінің өкіліне) беріледі. Кепіл шартына тіркелеген қосымша келісім алғаннан кейін «Азаматтар үшін үкімет» мемлекеттік корпорациясы» коммерзиялық емес акционерлік қоғамынан «Жылжымайтын мүліктің тіркелген құқықтары (ауыртпалықтары) мен оның техникалық сипаттамалары туралы анықтаманы» сұрату қажет. Әділет мөртабаны бар (келісімнің артқы бетінде) Кепіл шартына қосымша келісімнің бір данасы және көрсетілген Анықтама «ХБО» АҚ-ға ұсынылады.

Қосымша келісім жасау үшін мына құжаттар қажет:

Назар салыңыз!

1. Қазіргі стипендиаттармен қосымша келісім (дер) жасау туралы өтініш.

2.«ХБО» АҚ және Стипендиат, Кепіл беруші(лер), Кепілгер (лер)/Гарант (тар) арасында жасалған шарт (тар) көшірмесі (нотариалды куәландырылмаған).

3. Стипендиат, Кепіл беруші(лер), Кепілгер (лер)/Гарант (тар) және/немесе сенімхат бойынша өкіл жеке куәлігінің көшірмелері (нотариалды куәландырылмаған).

4. Жылжымайтын мүлікке (кепілдегі) тіркелген құқықтары (ауыртпалықтары) және оның техникалық сипаттамалары туралы анықтама. Мұндай анықтама Қазақстанның кез келген қаласында «Азаматтар үшін үкімет» мемлекеттік корпорациясы» коммерциялық емес акционерлік қоғамында беріліп, «ХБО» АҚ-да 10 күн ішінде қабылданады.

5. Стипендиаттың/Кепіл берушінің тегі өзгерген жағдайда – Стипендиаттың және кепіл берушінің жеке куәлігінің нотариалды куәландырылған көшірмелері, сондай-ақ тегін өзгерту жүргізуге негіз болған құжаттар (мысалы: неке қию туралы куәлік).

6. Егер Стипендиат қосымша келісімге қол қою кезінде жеке өзі бола алмаса, Стипендиаттан қосымша келісім жасауға сенімхат қажет.

7. Егер Кепіл беруші қосымша келісімге қол қою кезінде жеке өзі бола алмаса,  Кепіл берушіден қосымша келісім жасауға сенімхат қажет. Стипендиат Кепіл берушінің сенім білдірген адамы бола алмайды, яғни Кепіл беруші Стипендиатқа сенімхат бере алмайды (ҰР АК 163-бабының 3-тармағына сәйкес).

8. Егер Стипендиаттың міндеттемені орындауы ретінде Кепілгерлік шарты/Кепілдік шарты жасалса, Кепілгер, Кепілгерден стипендиаттың оқу шарты талаптарын өзгертуге келісім өтініш қажет. Егер Кепілгер осындай келісім өтінішке қол қою кезінде өзі бола алмаса, Кепілгердің қолын нотариуста куәландыру және «ХБО» АҚ-ға ұсыну қажет.

9. Қажет болған жағдайда басқа да құжаттар сұратылуы мүмкін.

Қосымша келісімге қол қою кезінде ұсынылған сенімхаттар «Халықаралық бағдарламалар орталығы» АҚ-ға тапсырылады.

Назар салыңыздар!

Оқу сомасы ұлғайтылған жағдайда, егер Стипендиаттың міндеттемесін орындауды қамтамасыз етуге ұсынылған жалжымайтын мүлік құны оқу құнын жаппаса, Стипендиат қосымша кепіл мүлікін және/немесе Кепілгерлерді ұсынуға міндетті.

Мыналарға назар салуларыңызды сұраймыз:

— Қосымша келісім тек Астана қаласында ғана жасалады.

- «Халықаралық бағдарламалар орталығы» АҚ-да қосымша келісім (дер) ресімдеу күнтізбелік 15 күнді алады. Құжаттар сағат 9.30-дан бастап 18.30-ға дейін қабылданады, түскі үзіліс сағат 13.00-ден 14.30-ға дейін, Астана қ., Сол жағалау, Орынбор көш., 4-үй, 5-қабар, 506-кабинет мекенжайы, тел: 8 (7172) 24-93-75, 8 (7172) 76-90-80,8 (7172) 24-93-79.

Егер Стипендиат қазақстаннан тыс жерде болса, сенімхатты оқу елінде ресімдеу мүмкіндігі бар немесе «ХБО» АҚ-ның шетелдегі өкіліне өтініш жасай алады: веб-сайттың Байланыстар-Шетелдегі өкілдіктердің байланыстары бөлімін қараңыз.

Ең алдымен қосымша келісім жобасы жасалатын Заң департаментіне келу қажет болатындығын ескертеміз. Жоба дайын болғаннан кейін ғана «ХБО» АҚ-ның шетелдегі өкіліне Стипендиат қол қою үшін жіберіледі. Қол қойылғаннан кейін осы келісімді «ХБО» АҚ өкілі Қазақстанға «ХБО» АҚ президенті келісімге қол қоюы үшін жібереді. Осыдан кейін қосымша келісім Стипендиаттың Қазақстандағы тұратын мекенжайына жіберіледі (қосымша келісімнің сканерленген нұсқасы Стипендиаттың электронды мекенжайына жіберілуі мүмкін).

1) Стипендиат өзі жүрген елдегі нотариусқа барып, сенімхат ресімдей (міндетті түрде апостиль ұсына отырып), ҚР-ға түпнұсқаны жібере алады, осы сенімхатты ҚР-да алғаннан кейін осы сенімхатты аударып, аудармасын нотариалды куәландыру қажет болады.

2) Стипендиат өзі жүрген елдегі ҚР Консулдігіне сенімхат ресімдеу үшін өтініш жасай алады.

e-max.it: your social media marketing partner
FaLang translation system by Faboba