10 лет

Телефоны по вопросам приема документов и конкурса: 8 (7172) 76 90 82; 76 90 84; 24 93 85; 24 93 86.

egov new

«Халықаралық бағдарламалар орталығы» АҚ

Кейінге қалдыру

«Болашақ» бағдарламасының түлегіне шарттық міндеттемелерін орындауды кейінге қалдыру бойынша жадынама

Оқуды ұйымдастыру шартына сәйкес «Болашақ» бағдарламасының түлегі оқуын аяқтағаннан кейін 30 (отыз) күнтізбелік күн ішінде Қазақстан Республикасына қайтып оралуға және алған мамандығы бойынша кемінде үш/бес жыл үзіліссіз жұмыс істеуге міндетті.

Бұған қоса, Шетелде кадрлар даярлау жөніндегі республикалық комиссияның 2011 жылғы 11 мамырдағы № 03–5.4 хаттамалық шешіміне сәйкес мынадай шешім шығарылғанын атап көрсетеміз:Қазақстан Республикасы Білім және ғылым министрлігіне шетелдегі оқуын жалғастыру мақсатында Қазақстан Республикасының аумағында жұмыс істеу бойынша шарттық міндеттемелерін орындауды кейінге қалдыруға рұқсат беру туралы мәселені Республикалық комиссияның қарауына енгізу ұсынылсын.

Жұмыс істеу бойынша шарттық міндеттемелерін орындауды кейінге қалдыруға рұқсат беру туралы мәселені қарау үшін түлек шетелде оқуын жалғастыру мақсатында мына құжаттарды ұсынады:

  1. Қоғам президентінің атына шарттық міндеттемелерін орындауды кейінге қалдыруға рұқсат беру туралы өтініш (нысаны қосымша берілген);
  2. оқуын бастау және аяқтау күнін көрсете отырып, оқу орнының шартсыз шақыру хаты;
  3. жұмыс берушіден (әлеуетті) ұсынымхат, оған сәйкес жұмыс беруші ол оқуын аяқтағаннан кейін жұмысқа (қайта) алуға міндеттеледі;
  4. қызмет саласына жетекшілік ететін уәкілетті мемлекеттік органнан (Министрлік), Министрліктің түлектің шетелде одан әрі оқуына қарсы еместігі/келісімін бергені туралы өтініш хат. (ұсынылады);
  5. жеке куәліктін немесе төлқұжаттың көшірмесі.

Осылайша, негіздемелі құжаттары бар өтініш Шетелде кадрлар даярлау жөніндегі республикалық комиссияның қарауына енгізіледі.Республикалық комиссия оң шешім қабылдаған жағдайда, түлек «Халықаралық бағдарламалар орталығы» АҚ-мен жұмыс істеуге қатысты бөліміне шарттық міндеттемелерді орындауды кейінге қалдыру туралы қосымша келісім жасайды. Республикалық комиссияның осы мәселені қарау бойынша шешімі түлекке хабарлама арқылы жіберіледі.

Сонымен қатар, Шетелде кадрлар даярлау жөніндегі республикалық комиссияның 2012 жылғы 16 тамыздағы № 03–5.12 хаттамасына сәйкес мынадай шешім қабылданды: «Болашақ» бағдарламасы түлектеріне Қазақстан Республикасы аумағындағы шетелдік ұйымдардың филиалдары немесе өкілдіктері екі жылдан аспайтын мерзімге жіберген жағдайда, шетелде орналасқан ұйымда тағылымдамадан өту мақсатында Қазақстан Республикасының аумағында еңбек қызметін жүзеге асыруды кейінге қалдыруға рұқсат берсін.

Шарттық міндеттемелерін орындауды кейінге қалдыру бойынша мәселені қарау үшін «Болашақ» бағдарламасының түлегі шетелдегі ұйымда тағылымдамадан өту мақсатында мына құжаттарды ұсынады:

  1. Қоғам президентінің атына шарттық міндеттемелерін орындауды кейінге қалдыруға рұқсат беру туралы өтініш;
  2. Қазақстан Республикасының аумағындағы компанияның (филиал немесешетелдік ұйымның өкілдігі) түлектің шетелде екі жылдан аспайтын уақытқа тағылымдамадан өтуіне жолдауы;
  3. Қабылдаушы тарапынан тағылымдамадан өту мерзімі көрсетілген шақыру хаты.

Құрметті түлектер!

Шетелде кадрлар даярлау жөніндегі Республикалық комиссияның отырысы әр тоқсан сайын өткізілетіндігін хабарлаймыз. Комиссияға материалдарды құру үшін талап етілетін құжаттарды алдын-ала жіберулеріңізді сұраймыз.

Бұған қоса, Қазақстан Республикасы Білім және ғылым министрлігінің хатына сәйкес, «Болашақ» бағдарламасының түлегі «Болашақ» бағдарламасының шеңберіндегі оқуыншарттық міндеттемелерін орындағаннан кейін ғана жалғастыра алатындығын хабарлаймыз.

 
 
FaLang translation system by Faboba