Жұлдыз Нұрғожина. Азық-түлік қауіпсіздігі және еуропалық тәжірибе: Монтрё қаласындағы ғылыми тағылымдаманың нәтижелері.

Жұлдыз Нұрғожина - PhD докторы, Алматы Технологиялық Университетінің ассистент-профессоры, «Тамақ қауіпсіздігі» бағыты бойынша Монтрё қаласында (Швейцария) ғылыми тағылымдамадан өтті.

Тағылымдама шеңберінде Жұлдыз тамақ өнеркәсібінің заманауи технологиялары мен жабдықтары, сапаны бақылаудың физика-химиялық әдістері, сондай-ақ тамақ қауіпсіздігін қамтамасыз ету жөніндегі халықаралық стандарттар мен нормативтер саласындағы білімдерін тереңдете түсті. Тұрақты өндіріс, қалдықтарды қайта өңдеу, экологиялық буып-түю және өнім сапасын бағалаудың инновациялық әдістері сияқты тақырыптарға ерекше назар аударылды. Оқыту Еуропадан келген тамақ өнеркәсібінің жетекші мамандары мен практиктерінің озық кәсіпорындарда көп жылдық тәжірибесі бар ғалымдар мен сарапшылардың басшылығымен өтті.

Бүгінде Жұлдыз Нұрғожина алған білімдерін білім беру үдерісіне белсенді енгізуде. Ол оқу жоспарына жаңа пәнді — «Нан пісіру және кондитерлік өнімдердің реологиялық негіздерін» әзірлеп, енгізді, әдістемелік материалдарды жаңартты және оларды шетелде оқыған нақты кейстермен және тәжірибелермен толықтырды. Бұл студенттерге тамақ қауіпсіздігі саласындағы заманауи сын-қатерлерді тереңірек түсінуге және қолданбалы, өзекті білім алуға мүмкіндік берді.

Тағылымдама жас ғалымның кәсіби және жеке дамуындағы маңызды кезең болды, ғылыми көкжиектерді кеңейтіп, халықаралық ынтымақтастыққа мүмкіндіктер ашып, оқытушылық және зерттеу практикасын едәуір күшейтті.