Қызметті қамтамасыз ету басқармасының бас менеджері

(Осы бос лауазымға түйіндемені cv_hr@bolashak.gov.kz электрондық поштасына жіберу қажет. Түйіндеме жолдағанда хатта міндетті түрде үміткерлік ететін бос лауазымның толық атауын көрсету қажет.)

1. Білімі: жоғары (немесе жоғары оқу орнынан кейінгі) білім. Сәйкес мамандық бойынша курстардан өткені туралы сертификаттардың немесе кәсіби біліктіліктің болғаны құпталады.
2. Жұмыс өтілі: кемінде 2 жыл. Егер шетелде (магистратура, докторантура) оқу аяқталған болса, онда жұмыс өтілі кемінде 1 жыл немесе Қоғамда кемінде 1 жыл жұмыс тәжірибесі болуы тиіс.
3. Білімдері:
   • Қазақстан Республикасының Конституциясы;
   • Қазақстан Республикасының Азаматтық кодексі;
   • Қазақстан Республикасының Еңбек кодексі;
   • Қазақстан Республикасының «Акционерлік қоғамдар туралы» Заңы;
   • Қазақстан Республикасының «Білім туралы» Заңы («Болашақ» халықаралық стипендиясына қатысты нормалар);
   • Қазақстан Республикасының «Мемлекеттік сатып алу туралы» Заңы;
   • Қазақстан Республикасы Президентінің жарлықтары мен Қазақстан Республикасы Үкіметінің білім беру саласындағы қаулылары және өзге де нормативтік құқықтық актілер, соның ішінде «Болашақ» халықаралық стипендиясын тағайындауға үміткерлерді іріктеу қағидалары;
   • Мемлекеттік сатып алуларды жүзеге асыру қағидалары;
   • Қоғамның жарғысы;
   • Қоғамның даму стратегиясы мен болашағы;
   • Мемлекеттік және орыс тілдері (міндетті), шет тілдері (құпталады);
   • Еңбекті қорғау, қауіпсіздік техникасы, өндірістік санитария және өрт қауіпсіздігі ережелері мен нормалары;
   • Ақпараттық технологиялардың заманауи құралдары және оларды қойылған міндеттерді тиімді орындау үшін пайдалану мүмкіндіктері;
   • Жеткізушілермен шарттар жасасу рәсімдері және олардың орындалуын бақылау;
   • Тауарлар, жұмыстар мен көрсетілетін қызметтерді мемлекеттік сатып алу жоспарының орындалуы туралы есептілікті құрастыру тәртібі.
4. Дағдылары:
   • Стратегиялық ойлау қабілеті;
   • Ұйымдастырушылық дағдылар;
   • Ауызша және жазбаша коммуникация дағдылары;
   • Кеңес беру дағдылары;
   • ДК мен кеңсе техникасын еркін пайдаланушы дағдылары;
   • Жергілікті және ғаламдық желілерде жұмыс істеу дағдылары;
   • Құжаттаманы жүйелеу, есепке алу және жүргізу дағдылары (заманауи ақпараттық технологияларды қолдана отырып);
   • Өзгермелі жағдайларға бейімделу қабілеті;
   • Үлкен көлемдегі деректермен жұмыс істеу қабілеті;
   • Жағдайды сыни тұрғыдан бағалау қабілеті;
   • Күрделі жағдайда шешім қабылдай білу;
   • Топта және дербес жұмыс істей білу;
   • Презентация жүргізе білу;
   • Ынтымақтастықты дамыту, келіссөздер жүргізе білу.
5. Қосымша талаптар:
   • Жауапкершілік;
   • Сенімділік;
   • Адалдық;
   • Кәсібилік;
   • Стресске төзімділік.